Muqdisho (Halqaran.com) – Xukuumadda Soomaaliya ayaa waxay si kulul u cambaareysay dilkii Almaas Elman loogu gaystay Magaalada Muqdisho, iyadoo aan la garanayn cidda dhabta ahi ee dishay.
War qoraal oo ka soo baxay Wasaaradda Warfaafinta Soomaaliya ayaa lagu cambaareeyay dilka loo gaystay Almaas Elman, iyadoona tacsi loogu diray qoyskii iyo eheladii ay ka baxday.
Qoraalka ayaa waxaa lagu sheegay in uu socdo baaritaan ku aadan dilka Almaas Elman, waxaana shacabka Soomaaliyeed loo sheegay in cadaaladda la horkeeni dooni kuwii ka dambeeyay dilkeeda.
Dilka Almaas Elman ayaa wuxuu gelinkii dambe ee Arbacadii shalay ka dhacay wadada xiriirisa Xarunta Xalane iyo Garoonka Aadan Cadde ee Magaalada Muqdisho.
Almaas Elman ayaa ka hor inta aan la dilin waxay ka soo baxday shir Midowga Yurub uu ku lahaa Xarunta Xalane, iyadoona ku sii socotay Garoonka Aadan Cadde, si ay dib ugu laabato Magaalada Nairobi, oo maalmo ka hor ay ka timid.
Qoraalka Wasaaradda Warfaafinta ayaa u qornaa sidatan:-
Xafiiska Wararka Halqaran.com
Halqarannews@gmail.com
