Nairobi (Halqaran.com) – Sheekh Maxamuud Shibli oo ka mid ah Culimada Soomaaliyeed ayaa markii ugu horreysay ka hadlay taallooyinkii dhawaan dib looga taagay qeybo ka mid ah Caasimadda Muqdisho iyo waxa ay ka qabto Shareecada Islaamka.
Sheekh Shibli ayaa sheegay in shareecada islaamka aysan meelna uga qorneyn in taallooyin la sameeyo magac kasta haloo yeelo ama maamuus maqaam.
“Si kooban Shareecada Islaamka ma qabto in taalooyin la dhiso magac kasta haloo yeelo, ama maamuus maqaam” ayuu yiri Sheekh Shibli.
Wuxuu kaloo xusay Sheeku, in taallooyinka loo xaaraantinimeeyey, iyadoo laga cabsanayo inay ka dhalato fidnimo iyo fasaad, sidaasna uu Rasuulka (SWC) ku amray in la burburiyo taallo kasta oo la arko.
Halka hoos ka Daawo Muuqaalka Sheekh Shibli & Jawaabtiisa:
Xafiiska Wararka Halqaran.com
Halqarannews@gmail.com
