Baydhabo (Halqaran.com) – Waxaa Sabtidii maanta magaalada Baydhabo ee xarunta KMG ee Maamulka Koonfur ka dhacay Banaanbax lagu taageeraayo Xildhibaanada Baarlamaanka labaad ee Maamulka Koonfur Galbeed.
Boqolaal ka mid ah shacabka ku nool Magaalada Baydhabo, ayaa isugu soo baxay wadooyinka Magaaladaasi, kuwaasi oo taageero u muujinaayay Xildhibaanada cusub.
Waxa ay sheegeen dadkii Banaanbaxa dhigaayay inay soo dhaweynayaan Xildhibaanada oo u badan dhalinyaro, islamarkaana keeni karo isbedel iyo horumar Maamulka uu gaaro.
Xildhibaanada Baarlamaanka Labaad Koonfur Galbeed ayaa waxay u badan yihiin wejiyo cusub, iyadoo dhalinyaradana ay si aad ahi uga soo muuqdeen.
Boqolkiiba toddobaatan (70%) ayaa waxaa Xildhibaanada Baarlamaanka Labaad Koonfur Galbeed lagu sheegay in ay dhalinyaro yihiin.
Inta badan Xildhibaanadii Baarlamaanka Koobaad Koonfur Galbeed ayaan ku soo laaban Baarlamaanka Labaad.
Xafiiska Wararka Halqaran.com
Halqarannews@gmail.com
