Baydhabo(Halqaran.com) –Maamulka Koonfur Galbeed oo ka hadlay weerar ay Kooxda Al-Shabaab ku qaadeen saacadihii lasoo dhaafay Magaalada Baydhabo ee caasimada Kumeel gaarka ah Maamulka Koonfur Galbeed Soomaaliya .
Weerarka koowaad oo loo adeegsaday madaafiic ayaa waxaa lagu qaaday saldhig ciidamada Itoobiya ay ku leeyihiin Baydhabo, waxayna ku jawaabeen iyaguna madaafiic.
Sidoo kale waxaa weerarka labaad oo uu xigay dagaal toos ah uu ka dhacay saldhig ciidamada Koonfur Galbeed ay ku leeyihiin xaafadda Suuqa Xoolaha ee magaaladaasi.
Ugu yaraan labo askari oo ka tirsan ciidamada dawladda ayaa ku dhaawacmay madaafiic lagu tuuray saldhig milatari iyo weerar toos ah oo lagu qaaday saldhig booliis.
Dagaalka ka dhacay Magaalada Baydhabo ayaa kusoo aadaya xilli Magaalada Baydhabo ay ka socoto doorashada Xildhibaannada Golaha Shacabka.
Xafiiska Wararka Halqaran.com
Halqarannews@gmail.com
