Muqdisho (Halqaran.com) – Wasiirka Wasaaradda Waxbarashada, Hiddaha iyo Tacliinta Sare, Mudane Cabdullaahi Goodax Barre ayaa shaaciyay in haddii cudurka Coronavirus uu dalka ku faafo aysan jirin awood looga hortagi karo, balse ay habboon tahay in marka hore bulshadu ay la timaado Alla bari .
Mr. Cabdullaahi Goodax Barre ayaa xusay in uu aad uga walaacsanahay tirada iyo tuhunka sii badanaya ee cudurkan saf marka ah ee dhibaatada badan ku haya bulshada caalamka.
Wasiirka ayaa intaasi raaciyay, in dadka Soomaaliyeed aysan ku baraarugsaneyn halista cudurka Covid-19, balese dadku badankood ay yareysanayaan qatarta la filan karo cudurkaasi.
“Maanta maalin aan uga baahi badannahay majirto in aan midowno, is-maqalno, is-kaalmeyno, isla markaana meel uga soo wada jeesanno sidii aan uga hortagi lahayn cudurkan, si uusan saameyn ballaaran ugu yeelan dadkeena, maadaama tabar, dhaqaatiir, qalab iyo goobo caafimaad oo aad u haboon aanaan heysan”, ayuu yiri Wasiir Goodax Barre.
Waxaa cabsi xooggan laga qabaa in uu bulshada Soomaaliyeed aad ugu faafo cudurka Coronavirus, kaddib markii dad qaba laga helay gudaha Caasimadda Muqdisho, iyadoona qofkii ugu horreeyay cudurkaasi ugu dhintay magaalada.
Xafiiska Wararka Halqaran.com
Halqarannews@gmail.com
