Muqdisho (Halqaran.com)- Maamulka Jubbaland ayaa sheegay in Ciidamo kuwa daraawishta ay u direen Magaaladda Beledxaawo ee Gobolka Gedo ee Koofurta Soomaaliya.
War ka soo baxay Maamulka Jubbaland ayaa lagu sheegay in Ciidamo hubaysan oo ka baxay Dhooblay ay ku biireen Ciidanka Darawiishta Jubbaland ee ku sugan duleedka Magaalada Beledxaawo ee Gobolka Gedo.
Hay’adaha ammaanka Jubbaland ayaa sheegay in Ciidamadan ay xasilooni iyo daganaansho ku soo dabaali doonan deegaanadan oo maalmahii la soo dhaafay ay ka jirtay rabshado iyo falal amaanka lid ku ah.
Ciidanka oo ka baxay magaalada dhoobley ayaa sii maray deegaannada Diif, Gariiley, Ceel-Waaq kadibna waxay ku gaareen degmada Beled-xaawo ee gobolka Gedo si ay ugu biiraan ciidanka daraawiishta Jubbaland ee ku sugan gobolka Gedo.
Wararka ayaa intaasi waxaa ay ku darayaan in dhaq dhaqaaq xoog leh uu maanta ka socda Degmada Beledxaawo
Xafiiska Wararka Halqaran.com
Halqrannews@gmail.com
