Boosaaso (Halqaran.com) – Puntland ayaa xabsiga u taxaabtay laba Nabaddoon oo ka mid ahaay Odayaasha Dhaqanka Magaalada Boosaaso ee Gobolka Bari.
Nabadoonadan oo mid ka mid ah gurigiisa lagala baxay, ayaa wararka waxa ay sheegayaan in lagu xiray Xabsi ku yaallo Magaalada Boosaaso.
Labada Nabaddoon oo lagu kala magacaabo Diraac Yuusuf Buuxe iyo Cawad Maxamed Faarax, ayaa kamid ahaa odoyaal ku sugan Boosaaso oo shalay dowladda Puntland ku dhaliilay heshiisyo ay sheegeen in ay la gashay Imaaraadka Carabta.
Qaar ka mid ah Odayaasha Magaalada Boosaaso ayaa si wayn u dhaliilay Odayaasha la xiray waxaana ay sheegeen falkaasi inuu yahay caburin.
Masuuliyiinta maamulka Puntland wali kama aysan hadlin xariga loo gaystay Odayaashaan maanta lagu xiray Magaalada Boosaaso ee Gobolka Bari.
Xafiiska Wararka Halqaran.com
Halqarannews@gmail.com
