Muqdisho (Halqaran.com) – Xildhibaanada Labada Aqal ee Baarlamaanka Soomaaliya ayaa Arbacadii maanta kulankoodii saddexaad ku yeesheen Xarunta Golaha Shacabka ee Magaalada Muqdisho.
Wuxuu kooramka kulankii maanta uu ku furmay 186 mudane, waxaana si wadajira u hoggaaminaayay Guddoonada Labada Aqal ee Baarlamaanka Soomaaliya.
Ujeedada kulanka ayaa ah ansixinta ajandaha iyo habraaca asnsixinta ee dib u eegista Dastuurka qabyo qoraalka Dastuurka Kumeel gaarka ah.
Kulankan ayaa waxaa ka soo muuqday Gudoomiyihii hore ee Golaha Shacabka, Prof. Maxamed Sheekh Cismaan Jawaari, oo ah Mudane Golaha Shacabka ka tirsan.
Sidoo kale, Xildhibaanada Labada Aqal ayaa maanta waxaa loo qaybiyay Sharciga Doorashooyinka Qaranka, oo ay soo diyaariyeen Guddiga Diyaarinta ee Sharciga Doorashooyinka, oo 15 xubnood ka kooban.
Ugu dambeyn, xildhibaanada Labada Aqal ayaa waxay fursad u haystaan muddo laba cisho ah oo ay sharcigaas ku soo akhrisan karaan, ka dibna ay ku soo celiyaan Guddoonka Baarlamaanka, si Xildhibaanada loogu horkeeno, ka dibna ay u ansixiyan.
Xafiiska Wararka Halqaran.com
Halqarannews@gmail.com
