Muqdisho (Halqaran.com) – Guddoomiyaha Aqalka Sare Cabdi Xaashi Cabdillaahi iyo Boqor Cusman Aw Maxamuud Buurmadoow oo ay garab taagnaayeen Siyaasiyiinta Gobollada Waqooyi ee Somaliland ayaa Jimcihii maanta sheegay inay isaga baxeen doorashada Soomaaliya, iyagoo xusay sababta ku kaliftay arrintaas.
Guddoomiyaha Aqalka Sare Cabdi Xaashi Cabdillaahi ayaa ku baaqay in la joojiyo Jadwalka Doorashada Reer Waqooyiga ee dhawaan la soo saaray, isaga oo sheegay in boob lagu haayo.
Mr Xaashi ayaa sheegay in ay muhiim tahay in doorashada loo qabto si la isla ogyahay, sidoo kalena uu ugu baaqay Ra’iisul Wasaaraha iyo dadka ku howlan wadida doorashada inay jooniyaan.
Dhinaca kale, Boqor Cusmaan Aw Maxamuud Buurmadow ayaa dhankiisa sheegay in ay ka baxeen doorashada Soomaaliya, ayna u cadedeynayaan Beesha Caalamka in Ra’iisul Wasaaraha uu faragelin iyo boob ku haayo doorashada.
“Waan ka baxnay doorashada waxaan halkaan isugu nimid in aan u caddeyno Beesha caalamka iyo Soomaaliba’ Marka aan garan wayne cid aan kaga Dacwoona Ra’iisul wasaaraha Beeshiisa Habargidir Xitaa waan ugu dacwoonay‘‘ ayuu yiri ku yir Shir jaraa‘id Boqor Buurmadow.
Weli wax war ah ka soo bixin xafiiska Ra’iisul Wasaaraha Soomaaliya Mudane Rooble oo ku aadan eedeynta loo soo jeediyay.
DAAWO SHIRKA JARAA’ID OO DHAMMEYSTIRAN:
Xafiiska Wararka Halqaran.com
Halqarannews@gmail.com
