Dhuusamareeb (Halqaran.com) – Shirka Dib-u-heshiisiinta Beelaha Galmudug degga ayaa la filayey in uu maanta ka furmo magaalada Dhuusomareeb, balse dib ayuu u dhacay.
Warar aynu helayno ayaa sheegaya in dowladda Dhexe ay arrimo farsamo xumo awgeed ay dib u dhigtay qabsoomida shirka oo aan muddo loo cayimin.
Sidaan oo kale, waxay aheyd, 5-tii Bishaan oo uu dib uga dhacay in shirka la furo, balse waxaa hubanti ah in ay jiraan tirada loo baahnaa inaysan xaadirin, sidaana shirka loo dhigay in dib u dhaco.
Guddoomiyaha qaban-qaabada guddiga shirka dib u heshiisiinta Beelaha Galmudug, Dr. Cabdiraxmaan Baadiyoow ayaa galabta sheegay in ay jiraan ergooyin badan oo Dhuusomareeb gaartay.
Beelaha Saruur iyo Duduble ayuu xusay oo Habar Gidir ku abtirsada, ayna ergadooda soo dirsadeen, sidaana shirka tiradii loo baahnaa uu gaaray dhawaana la furi doono.
Dr. Baadiyoow ayaa hoosta ka xariiqay, in aysan jirin Beel diidan in ay shirkaas xaadirto, balse si maldahan u sheegay in Habar-gidir aysan diidi Karin oo Beelaha qaar ay ergadooda yimaadeen.
Xafiiska Halqaran.com, Muqdisho
Halqarannews@gmail.com
