Rome (Halqaran.com) – In ka badan 100 dhaqaatiir ayaa dalka Talyaaniga ugu geeriyooday cudurka Coronavirus iyo 28 kalkaalisoon, tan iyo markii uu dalkaasi ka dilaacay cudurka saf-mareenka ah ee COVID-19, sida warbaahinta RAI u sheegeen ururka kalkalisooyinka dalkaasi ee Fnopi.
Ururka Fnopi ayaa sidoo kale sheegay, in dhaqaatiirta badankooda ay u dhinteen difaac la’an sida qalabka wajiga lagu xirto iyo qaarkood oo shaqeenayay 24 saacadood oo xiriir ah, kadibna uu ku dhacay xanuunka maadama ay sameeyeen xiriir joogta ah.
Ururkan Kalkaalisooyinka ah ee dalka Talyaaniga ayaa xusay, in dhaqaatiirta dhimatay ay da’dooda ka sareyso 60 sano jir, halka qaarka kale ay ku jireen xiliga hoolgabka.
Cudurka COVID-19 ayaa fara ba’an kuhaya dalka Talyaaniga, iyadoona ay maalin walba ay u dhimanayaa tiro dad ah.
Xafiiska Wararka Halqaran.com
Halqarannews@gmail.com
