Dhuusamareeb (Halqaran.com) – Maamulka dowlada Hoose caasimadda Galmudug ee Magaalada Dhuusamareeb gaar ahaan xafiiska Amniga iyo siyaasada ayaa soo saarey amar ku saabsan in Dadka leh xoolaha ku dayacan waddooyinka magaalada in muddo 48 saacadood godahood ah ay ku xareystaan xoolahooda.
Guddoomiye ku xigeenka Amniga Magalada Dhuusamareeb ayaa sheegay in dhawaan ay bilaabi doonaan aruurinta dhammaan xoolaha Iska jiifa waddooyinka magaalada,isla markaana dadka leh xoolahaaasi laga xareeyey la saari doono ganaax lacageed oo dhan 100 kun oo shilling Soomaali ah maalintiiba.
Sidoo kale, guddoomiye ku-xiegenka ayaa ku amrey guddoomiyaasha shanta Xaafadood ee Magaalada Dhuusaareeb inay dhaqan galiyaan Amarkaan, iyaga oo kaashanaya laamaha Amniga ee Caasimadda.
Guddoomiye ku-xigeenka ayaa waxaa uu ku wargeliyey Shacabka ku nool Magaalada Dhuusamareeb inay dhawaan bilaabi doonaan Diiwaan gelinta tira koobka guryaha, si loo xaqiijiyo aminigooda, iyada oo billaaban doonta maalinta barri oo Sabti ah.
Xafiiska Wararka Halqaran.com
Halqarannews@gmail.com
