Dhuusamareeb (Halqaran.com) – Hoggaanka Ahlu-sunna ayaa Arbacadii Maanta soo saaray jadwalka doorashada Madaweynaha galmudug iyo ku-xigeenkiisa, xilli ay horey jadwal u soo saareen guddiga doorashada Maamulka Galmudug.
Hoggaanka Ahlu-sunna ayaa qaadacay guddiga Jadwalka doorasho oo ay horey u soo saareen Guddiga doorashada Galmudug, iyaga oo sheegay in Xubnaha guddiga doorashoyinka la afduubtey.
Qoraal ay soo saareen hoggaanka Ahlu-sunna ayaa waxaa ay sheegeen in 23-ka bishaan oo beri ah ay bilaaban doonto diiwan gelinta musharxiiinta Madaxweynaha & kuxigeenkiisa halka khudbadaha musharixiinta la dhageysan doono 29 ilaa 30 Bishaan,sidoo kale dorashada Madaxweynaha & kuxigeenkiisa la qaban doono 5-ta Bisha Febaraayo ee sanadkan 2020.
Si kastaba, waxaa cirka isku shareeray Khilaafka ka taagan doorashada Maamulka Galmudug oo xilligaan meel xasaasi ah uu maraayo Khilaafka, maadaama Ahlu-sunna doorashada ay qaadaceen jadwal gaar ahna ay soo saareen.
Halka hoose ka akhriso Jadwalka Ahlu Sunna ay soo saartay:
Xafiiska Wararka Halqaran.com
Halqarannews@gmail.com
