Madaxweynaha Jubbaland, Axmed Madoobe

Kismaayo (Halqaran.com) – Madaxwaynaha Dowlad Goboleedka Jubbaland Axmed Maxamed Islaam (Axmed Madoobe), ayaa caawa munaasabadda ciidda awgeed hambalyo u diray dhammaan ummadda Muslimiinta ah, gaar ahaanna kuwa Soomaaliyeed meel walba oo ay dunida ka joogaan.

Axmed Madoobe wuxuu ALLE uga baryay ummadda in dambigooda dhaafo, waxaana uu kula dardaarmay in ay iscafiyaan si Eebbe inoogu wada naxariisto.

Madaxwaynaha Jubbaland ayaa hambalyo u diray masuuliyiinta Dowladda ee labada golle, shaqaalaha iyo howlwadeenada Dowladda, ciidammada qalabka sida ee Jubbaland ee had iyo jeer u taagan difaaca amniga ummadda, Xaasaska iyo carruurta ciidammada qalabka sida, iyo dhammaan bulshada qeybaheeda kala duwan.

Ugu dambeyn, Madaxweyne Axmed Madoobe ayaa kula dardaarmay dadka reer Jubbaland in ay adkeeyaan midnimada, wadashaqeynta, iyo isu-naxariisashada dhexdooda ah si Rabbi inoogu wada naxariisto.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here