Berbera (Halqaran.com) – Waxaa magaalada Berbera ee deegaannada Somaliland Maanta ka dhacday doorashada Guddomiyaha Magaalada iyo ku-xigeenkiisa, iyadoo ay goobjoog ka ahaayeen mas’uuliyiin kala duwan.

Golaha deegaanka Magaalada Berbera ayaa Guddoomiyaha Magaalada waxaa ay u doorteen Cabdishakuur Maxamuud Ciddin, kaas oo xilkaasi horay u haayay, halka Guddoomiye ku-xigeenka Golaha loo doortay Nuur Cabdi Jaamac.

Doorashada Guddoomiyaha Magaalada Berbera iyo ku-xigeenkiisa ayaa mas’uuliyinta ku tartamay ay ka kala socdeen xisbiyada Kulmiye, UCID iyo WADANI.

Sidoo kale, waxaa maalmaha soo socda la filayaa in deegaannada Somaliland ay ka bilawdaan doorashooyinka guddoomiyeyaasha gobolada iyo degmooyinka Somaliland.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here