Wasiirka Wasaaradda Warfaafinta ee dowladda federaalka Soomaaliya Cusmaan Abuukar Dubbe

Muqdisho (Halqaran.com) – Wasiirka Warfaafinta ee XF Soomaaliya Cismaan Abuukar Dubbe ayaa beeniyay in dhawaan ay dalka Qatar ku kulmi doonaan Madaxweynayaasha dalalka Kenya iyo Soomaliya.

Wasiir Dubbe ayaa sheegay in kulankaasi uusan jirin, islamarkaana dowladda Soomaaliya aysan gorgortan ka gali doonin muranka badda ee ka dhaxeeya dowladda Kenya.

Sidoo kale, wuxuu sheegay in ay sugayaan go’aanka Maxkamadda oo dhawaan la soo gagabeeyay, islamarkaana hadda natiijada oo kaliyah la sugaayo.

“Cilaaqaadka labada waddan ee Soomaaliya iyo Kenya oo hore u xumaaday waxa hadda laga shaqaynayaa sidii loo wanaajin lahaa, waan u mahad-celinaynaa dalalka ka shaqeeyey isu soo dhowaan tan, laakiin xilligan waxba kama jiraan wararka la faafinayo ee sheegaya in labada Madaxweyne ee Soomaaliya iyo Kenya ay hadda kulmayaan kuna kulmayaan magaalada Dooxa ee dalka Qatar.” ayuu yiri Wasiir Warfaafinta ee Soomaaliya Cismaan Abuukar Dubbe.

Wasiir Dubbe ayaa sidoo kale yiri, “Arrinka Badda Soomaaliyana wuxu ku jiraa gacanta Maxkamadda Caddaalada Adduunka ee ICJ, waxaana la wada sugayaa go’aanka Maxkamadda”.

Haddaba halka hoose ka dhageyso Wareysiga Wasiir Dubbe oo dhammeystiran:

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here