Dhuuusamareeb (Halqaran.com) – Wasaaradda amniga dowlad Goboleedka Galmudug ayaa ka hadashay dagaal Arbacadii maanta Ciidamo ka wada tirsan dowladda Federaalka ku dhexmaray Magaalada Dhuusamareeb ee Xarunta Maamulkaas.

Qoraal kasoo baxay Wasaaradda Amniga Galmudug ayaa waxaa lagu sheegay inay Guddi xaqiiq raadin ah ay u saareen dagaalkii ka dhacay Dhuusamareeb ee u dhexeeyay Ciidanka NISA iyo kuwa Booliska dowladda ee Haramcad.

Wasaaradda Amniga Gudaha Gamudug waxey u saartay guddi baaritaan iyo xaqiiqo raadin ah shaqaaqo iyo gacan ka hadal muddo kooban ku dhexmartay laba ciidan maantay magaalada Dhusamareeb” ayaa lagu yiri Qoraalka.

Dagaalkaasi ayaa waxaa ku dhaawacmay 5 ruux oo dhinacyadii dagaalamay ah, lama soo sheegin wax dhimasho ah oo dagaalkaasi ka dhashay.

Ciidamada Militariga ee ku sugan Magaalada Dhuusamareeb ayaa kala dhex galay labadii Ciidan ee halkaasi ku dagaalamay, waxaana xaaladda ay tahay mid degan.

Si kastaba, dagaalkii maanta ayaa wuxuu ka dhashay Bar koontarool oo Ciidamada Haramcad maamulaan oo dhawr mar laga celiyay Saraakiil ka tirsan Nabad Suggifa Magaalada Dhuusamareeb ku sugan.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here