Muqdisho (Halqaran.com) – Inta la xaqiijiyay saddex ruux oo shacab ah ayaa ku dhimatay halka 3 kalena ay ku dhaawacantay Khamiistii maanta  qarax miino ah oo ka dhacay xaafada Taleex ee degmada Hodan ee gobalka Banaadir.

Afhayeenka Wasaarada Warfaafinta, Ismaciil Mukhtar Cumar ayaa sheegay in Al-Shabaab ay bartilmaameeysteen dad rayida oo aan waxba galabsan oo saarna moota Bajaaj.

“Qaraxa waxa uu dilay haweenay iyo cunugeeda oo mooto saaran iyo qof wadada marayey halka 3 ruux kale ay dhaawacmeen, waxaa meesha maray gaadiid nooca ciidanka ah ilbiriqsiyo ka hor qaraxa‘‘, ayuu yiri Mukhtaar Oronjo.

Afhayeenka Wasaarada Warfaafinta ayaa si adag u cambaareeyey qaraxa, isagoona intaasi ku daray in aan la dhalaysan fariimaha amni ee la xiriir bed-qabka waddooyinka la adeegsanayo.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here