Bakool (Halqaran.com) – Madaxweynaha dowlad gobaleedka Koonfur Galbeed Soomaaliya, Cabdicasiis Xasan Maxamed (Laftagareen) ayaa kulan looga hadlayay dagaalka Al-Shabaab ee gobalka Bakool la qaatey saraakiisha  guutada sagaalad ee taliska qeybta 60-aad ee Ciidanka Xoogga dalka Soomaaliyeed, iyadoo ay ka qeybgaleen taliyaha qeybta 60-aad iyo saraakiil kale.

Taliyaha guutada sagaalad ee ciidanka xoogga dalka Gaashaanle Muqtaar Maxmed Cabdulahi (Geesey) oo la hadlay Warbaahinta ayaa sheegey in kulanka ay madaxweynaha la qaateen uu ahaa mid is-xog wareysi ah.

Sidoo kale Taliyaha ayaa sheegey in madaxweyne Laftagareen ay isla soo qaadeen sidii loo soo dhammeystiri lahaa qorshayaasha horumarineed ee loogu talogalay dadka ku dhaqan deegaannada laga xoreeyay Ururka Al-Shabaab.

Taliyaha guutada sagaalaad ee ciidanka xoogga dalka ayaa ugu dambeyn, u mahadceliyay, qeybaha kala duwan ee bulshada ku dhaqan gobolka Bakool, isagoo xusay inay yihiin shacab dulqaad badan, misana ciidamada kala shaqeeya sidii guud ahaan deegaannada Koonfur Galbeed loogu soo dabbaali lahaa nabadgelyo waarta.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here