Muqdisho (Halqaran.com) – Wasaaradda Amniga gudaha Maamulka Galmudug ayaa Jimcaha maanta la wareegtey gadiid dagaal iyo Ciidankii saarnaa oo diyaar u ah sida ay sheegtay Wasaaradda in la xareeyo ayna ka mid noqdaan Ciidamada daraawiishta Galmudug.

Munaasabad ay goobjoog ka ahaayeen Odoyaal dhaqameedka ay ka soo jeedaan maleeshiyaadkaas ayaa si rasmi loogu wareejiyey gaadiid gaaraya 5 gaari oo qoryaha dagaalku ay saaran yihiin iyo Ciidankii saarnaa oo gaaraya 83 askari.

Wasiirka Amniga oo goobta ka hadlay ayaa ka mahadceliyey is-xilqaanka odoyaasha dhaqanka iyo taageerada ay u muujiyeen dawlad Goboleedka Galmudug.

Sidoo kale, waxaa uu adkeeyey in Ciidaamadaan iyo gaadiidkoodaba ay mas’uuliyadiisa la wareegtey wasaaradda Amniga Gudaha, ayadoo lagu xarayn doono Dugsiga tababarka indha qaris.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here