Muqdisho (Halqaran.com) – Xildhibaan Maxamuud Beene Beene oo ka tirsan Golaha Shacabka Soomaaliya ahna guddoomiyaha guddiga Ganacsiga Baarlamaanka Soomaaliya, ayaa ku eedeeyay Madaxtooyada iyo guddoonka baarlamaanka inay wadaan qorshe muddo kororsi ah.

Tan iyo wixii ka dambeeyay markii Guddiyada Joogtada Golaha Shacabka Soomaaliya muddo bil ah dib ay u dhigeen in Guddiga doorashada hor yimaado Baarlamaanka Soomaaliya, ayaa waxaa soo baxaya walaaca ku aadan arrintaasi.

Xildhibaan Beene Beene ayaa sheegay go’aanka dib loogu dhigay Guddiga doorashada inay hortagaan Golaha inay tahay arrin la isla wada ogaa oo ay ka shaqeeyeen Madaxtooyada Soomaaliya iyo Guddoonka Baarlamaanka, waxaana arrintaasi uu ku tilmaamay mid qalad ah.

“Go’aanadi Shirki Labada guddi joogto waxaa uu aha go’aano qorsheysan oo afduub ah, waliba qodobo sharciga doorashada ah ayaa la jebiyey, Guddoonka ayaa fushaday qorsho ay wateen horayna loogu soo heshiiyey.” Ayuu yiri Xildhibaan Beene Beene.

Sidoo kale, waxaa walaac muujinaya Xubnaha Beesha Caalamka qaarkood oo ka walaacay dib u dhigista shaqada Guddiga doorashada ee ay ku hortagi lahaayeen Baarlamaanka Soomaaliya.

Ugu dambeyn, muddooyinkaan dambe waxaa jirta hadalhayn xoogan oo ku aadan in madaxda sare ee dalka ay wadaan qorshe ay ku sameynayaan muddo kororsi, maadaama illaa hadda aysan cadeyn hanaanka doorashada Soomaaliya ay u dhaceyso.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here