Guddoomiyaha Xisbiga Amniga & Cadaalada, Yuusuf Xasan Mursal

Muqdisho (Halqaran.com) – Ciidamada Koofi gaduuda Madaxtooyadda Villa Soomaaliya, ayaa maanta xabsiga dhigay Guddoomiyaha Xisbiga Amniga & Cadaalada ee uu aas aasay Muqtaar Roobow Abuu Mansuur oo dowladda Soomaaliya u xiran.

Yuusuf Xasan Mursal ayaa lagala baxay guri ku yaallo Degmada Waaberi ee Gobolkaan Banaadir, kadib markii Ciidamada Koofi gaduuda ay u tageen.

Maxamed Ibraahin Bilaal oo ah Xoghayaha Xisbiga Amni iyo cadaalad ayaa Warbaahinta gudaha u xaqiijiyay xarigaan loo gaystay Gudoomiyaha Xisbigaasi.

Lama oga ilaa iyo hadda sababta rasmiga ah ee ka dambeysa Xariga loo gaystay Guddoomiyaha Xisbiga Amni iyo Cadaalad, Xisbigaasi Yuusuf Xasan Mursal, waxaana aas aasay Muqtaar Roobow Abuu Mansuur oo ku dhawaad Sanad u xiran dowladda Federalka Somaliya.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here