Madaxda gobolka Banaadir oo Shir ku jira

Muqdisho (Halqaran.com) – Shirka amniga Caasimadda ayaa lagu qabtay xarunta Gobolka Banaadir iyadoo wax la iska weydiiyay Weerarkii Habeen ka hor lagu qaaday Hotellka SYL ee Magaalada Muqdisho.

Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) oo shirka gudoominayay ayaa tilmaamay in la iskula xisaabtami doono sugida amniga islamarkaana loo baahan yahay in la xoojiyo qorshaha nabadgalyda Caasimadda.

Shirka waxaa ka qayb galay saraakiisha u xilsaaran amniga caasimadda Soomaaliya ee Magaalada muqdisho.

Weerarkii Habeen ka hor lagu qaaday Hotellka SYL ee Magaalada muqdisho ayaa waxaa mas’uuliyadiisa sheegtay Ururka Al-Shabaab, iyaga oo sheegay inay ku dileen Saraakiil ka tirsan Dowladda.

Waxa ay sheegteen Al-Shabaab inay dileen 28 ruux oo Saraakiil iyo xubno dowladda Soomaaliya u shaqeeya iyo dhaawacyada 39 ruux sida Al-Shabaab ay sheegteen.

Ugu dambeyn, hay‘addaha ammaanka dowladda ayaa soo gaba gabeeyay weerarkaasi oo gabi ahaanba laayay raggii weerarka fuliyay.

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here