Hargeysa (Halqaran.com) – Madaxweynaha Somaliland, Mudane Muuse Biixi Cabdi ayaa faah-faahin ka bixiyay roobab dabeylo wata oo Saacaddihii lasoo dhaafay ka da’ay deegaanada maamulka Somaliland.
Muuse Biixi ayaa sheegay in Khasaare Nafeed iyo mid Hantiyadeed ay sababeen roobabka ka socda degaanada maamulka Somaliland, islamarkaana ay waddaan gurmadyo kala duwan.
Waxaa uu xaqiijiyay dhimashadda hal qof oo ku dhintay gobolka Sanaag, waxaana uu sheegay in sidoo kale jiraan Wadooyin burburay.
Ugu dambayntii waxa uu madaxweynuhu guud ahaanba bulshada reer Somaliland ugu baaqay inay ka fogaadaan goobaha biyo mareenka ah, si ay badqabkooda u sugaan, isaga oo wadayaasha gaadiidkana faray inay ka feejignaadaan dhibka roobabka.
Degaano ka tirsan maamulada Somaliland iyo Puntland ayaa waxaa saacadihii la soo dhaafay ka da’ay roobab mahiigaan dabeylo watay, kaasoo saababay daadad xooggan oo ku soo rogmaday qaar ka mid ah waddooyinka waa weyn ee deegannada maamuladaasi, taasi oo sababtay in uu hakad galo isu socodka gaadiidka iyo dadweynaha.
Privacy & Cookies Policy
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.