Guddoomiyaha Dhuusamareeb ee Ahlu Sunna, Macalin Nuur Cilimi Cabdulle
Guddoomiyaha Dhuusamareeb ee Ahlu Sunna, Macalin Nuur Cilimi Cabdulle

Dhuusamareeb (Halqaran.com) – Guddoomiyaha degmada Dhuusamareeb ee Gobolka Galgaduud ugu Magacaabey Ahlu sunna Macalin Nuur Cilimi Cabdulle, ayaa Axaddii maanta sheegay in wax dhibaato ah aysan xilligaan ka jirin degmada, isla markaana amniga guud ee Magaalada uu yahay mid wanaagsan.

Macalin Nuur Cilimi Cabdulle ayaa waxa uu sheegay in Ammaanka guud ee degmada Dhuusamareeb ay gacanta ku haayaan Ciidamada Dowladda Soomaaliya, sidoo kalena xilligaan amniga uu yahay mid leysku haleen karo.

Shir Jaraa’id uu maanta ku qabtay Dhuusamareeb ayuu sheegay in hadda wixii ka dambeeya uu Maamulka magaalada Dhuusamareeb uu diyaar u yahay in ay la Shaqeeyaan dowladda federaalka kalana qeyb qaataan howlaha doorashada.

Guddoomiyaha degmada Dhuusamareeb ee Gobolka Galgaduud ugu Magacaabey Ahlu sunna ayaa waxa uu sheegay in shacabka Magaalada Dhuusamareeb iyo Bulshada qeybaheeda kala duwan looga baahan yahay in Dowladda Soomaaliya kala Shaqeeyaan sidii loo dhisi lahaa Galmudug mideysan.

Halka hoose ka dhageyso codka:

Xafiiska Wararka Halqaran.com
Halqarannews@gmail.com

LEAVE A REPLY

Please enter your comment!
Please enter your name here