Muqdisho (Halqaran.coom) – Cumar Maxamud Maxamed (Cumar Filish), guddoomiyaha gobolka Banaadir ahna duqa magaalada Muqdisho ayaa maanta xafiiskiisa kulan gaar ah kula qaatay Wafdi oo hoggaaminayay Wakiilka Hey’ada QM u qaabilsan Barnaamijka Horumarinta Aduunka ee UNDP Qeybteeda Soomaaliya Mr. Jocelyn Mason Kaas oo ay kaga Hadleyn dhowr qodob oo quseeya Horumarinta Caasimadda.

Qodobada laga hadlay waxaa lamid ahaa Gargaarka Barakacayaasha, Fulinta Mashaariic waxtar u leh Bulshada, dhismaha Xarumaha danta guud, Shaqa abuurka Dhallinyarada iyo arimaha la xiriira Kobcinta Dhaqaalaha.

Shirka kadib waxaa Warbaahinta la hadlay Wakiilka Hey’ada QM u qaabilsan Barnaamijka horumarinta Aduunka ee UNDP Qeybteeda Soomaaliya Mr. Jocelyn Mason.

Duqa Magaalada Muqdisho Mudane Cumar Maxamud Maxamed (Cumar Filish) waxa uu tilmaamay in Hey’ada UNDP ay isku afgarteen in sida ugu Macquul Loo hirgaliyo Waxyaabihii Laga Wada Hadlay.

Xafiiska Halqaran.com, Muqdisho
Halqarannews@gmail.com

LEAVE A REPLY

Please enter your comment!
Please enter your name here