Muqdisho (Halqaran.com) – Taliska ciidamada Mareykanka qaarada Afrika ee AFRIKOM oo kaashanaya ciidanka xoogga dalka Soomaaliyeed ayaa duqeyn diyaaradeed oo lala beegsaday xubno ka tirsan Ururka Al-Shabaab ka fuliyay duleedka magaalada Kismaayo ee xarunta KMG ah ee Jubalaan.

War qoraal ah oo ka soo baxay AFRICOM ayaa waxaa lagu sheegay in duqeynta oo dhacday shalay oo aheyd 17-ka Sebteembar lagu dilay laba sarkaal oo ka tirsan ururka Al-Shabaab.

AFRICOM ayaa intaas ku dartay in duqeynta ay billaabatay kaddib markii ciidamada dowladda ay weerar ku qaadeen xarun ay Al-Shabaab ku lahaayeen Waqooyiga gobolka Jubbada Hoose.

DAAWO MUUQAALLO KALE ,Sii Akhri Wararka Kale ee Maanta:



Inta la qiimeeyay laba dagaalyahan ayaa Al-Shabaab looga dilay duqeynta mana jiraan shacab ay waxyeello ka soo gaartay duqeynta.

Taliska ciidamada Mareykanka ee AFRICOM ayaa ballan qaaday in ay sii wadi doonaan wada shaqeynta illaa laga gaarayo inta ciidamada AMISOM ay ammaanka dalka ku wareejinayaan ciidamada Soomaaliyeed.

Xafiiska Halqaran.com, Muqdisho
Halqarannews@gmail.com

LEAVE A REPLY

Please enter your comment!
Please enter your name here