Dhuusamareeb (Halqaran.com) – Wararka naga soo gaaraya Magaaladda Dhuusamareeb ee Caasimadda maamulka Galmudug ayaa ku warramaya in maanta Magaaladaas ka dageen diyaarado waday Ciidamo dheeraad ah iyo saanad ciidan.

Ilaa 5-diyaaradood oo ka baxay Magaaladda Muqdisho, ayaa ka dagay garoonka diyaaradaha Magaaladdda Dhuusamareeb, waxaana ciiidamadda la geeyay xarumihii loogu talagalay.

Tallaabooyinkan ayaa ka dhigan in dowladda Federaalka ay si buuxda u adkeyneyso joogitaankeeda Dhuusamareeb oo dhowaan lagu wado inuu ka dhaco shirweynaha dib u heshiisiinta Galmudug.

Magaalada Dhuusamareeb waxaa horay loo geeyay Ciidamo uu hoggaaminaayo Sarkaal lagu magacaabo Farxaan Qaroole oo ka mid ahaay Saraakiishii maleeshiyaadka Al-Shabaab ee ku biiray Nabad Suggida, markii dambana Booliska lagu soo daray.

Wixii warar ah ee ku soo kordha kala soco Halqaran.com insha allaah.

Xafiiska Halqaran.com, Muqdisho
Halqarannews@gmail.com

LEAVE A REPLY

Please enter your comment!
Please enter your name here