Muqdisho (Halqaran.com) – Waxaa faah-faahin dheeraad ah ka soo baxaya qarax saaka ka dhacay Carwadii hore ee Taleex ee Degmada Hodan, kaasi oo lala eegtay gaari ciidan oo halkaasi maraayay.

Gaariga Ciidanka ay saarnaayeen ayaa waxaa wadatay Agaasimaha Isbitaalka Xoogga dalka Khadiijo Iimaan Caynte oo ku dhaawacantay Qaraxaasi.

Sidoo kale, waxaa dhaawac uu soo gaaray darawalkeeda oo lagu magacaabo Aadan Yare, maadaama Qaraxa uu ahaa miino oo gaariga uu qabsaday.

Dhaawaca Agaasimaha ayaa la geeyay Isbitaalka Digfeer ee Magaalada Muqdisho halkaasi oo lagu daaweynaayo.

Ururka Al-Shabaab ayaa sheegatay masuuliyadda Qaraxaasi lala eegtay Agaasimaha Isbitaalka Xoogga dalka Soomaaliya.

Xafiiska Halqaran.com, Muqdisho
Halqarannews@gmail.com

LEAVE A REPLY

Please enter your comment!
Please enter your name here