Muqdisho (Halqaran.com) – Madaxweynaha dowladda Federaalka ah ee Soomaaliya Maxamed Cabdullaahi Farmaajo iyo wafdi uu hoggaaminayo ayaa galabta u dhoofay magaalada Jabuuti ee caasimadda dalka Jabuuti.

Farmaajo ayaa aqbalay marti qaad rasmi ah oo uu ka helay dhiggiisa dalka Jabuuti Mudane Ismaaciil Cumar Geelle.

Booqashada madaxweyne Farmaajo iyo wafdigiisa ayaa qaadaneysa muddo labo maalmood ah.

Madaxweynaha dowladda Federaalka ah ee Soomaaliya Farmaajo, inta uu ku sugan yahay dalka aynu walaalaha nahay ee Jabuuti, waxa uu la kulmi doonaan dhiggiisa Jabuuti Mudane Geelle.

Sidoo kale, xubnaha la socda madaxweyne Farmaajo ayaa dhankooda iyagana la kulmi doona madax ka tirsan dowladda Jabuuti.

Ilaa iyo hadda lama oga ujeedka rasmi ah ee safarka madaxweyne Farmaajo iyo wafdigiisa ugu ambabaxeen dalka Jabuuti.

Xafiiska Halqaran.com, Muqdisho
Halqarannews@gmail.com

LEAVE A REPLY

Please enter your comment!
Please enter your name here